嘉市要求美容.做指甲等歇工 業者趁食陷危機

公視 (2021-06-22 00:00)
分享| 分享至新浪微博 分享至facebook 分享至PLURK 分享至twitter

嘉義市因為三級警戒的關係,這馬是要求共人鬥目睫毛、做指甲,閣有拳頭館著愛停業。毋過業者認為,來做指甲的人客,攏有事先注文,其他縣市也無按呢做,認為這款的要求,實在無合理。


因為疫情來歇工的指甲美容業者,來工會的教室加減練習交流,遮的業者講,市府因為防疫限制in的營業,但是其他縣市並無限制,in的生活強欲袂得過矣。

工會表示,當初時歇工的公文,講in的工課毋是民眾維持生活必需的服務,所以叫in來歇工,但是對做指甲、目睫毛的業者來講,市府禁止的服務,煞是in維持生活的工課。

市府表示,歇工的要求,當初有發公文,如果業者有需要紓困的證明,攏會當來協助。工會指出,工會內相關業者就有400外人,逐家攏煩惱時到開放的時陣,人客嘛攏走去外縣市矣,希望市府會當趕緊來調整。    

加入好友