全國走代先 新竹市孕婦今日起開始注疫苗

公視 (2021-06-22 00:00)
分享| 分享至新浪微博 分享至facebook 分享至PLURK 分享至twitter

中央疫情指揮中心6/21宣佈,有身的婦人人安排佇注疫苗的第6順位。新竹市6/22透早,就啟動注射計畫,佇體育館替懷胎的婦女注疫苗。


有身的婦女來到體育館,看起來表情略略仔緊張,醫生嘛針對每一个人身體的狀況問詳細,in攏是昨暝臨當時接著通知,為著家己佮腹肚內囡仔的安全,就決定趕緊來注。

新竹市是全國第一个替有身人注疫苗的縣市,為著欲予in閣較安心,現場除了有醫生,閣有專業的醫療器材,而且嘛有AZ佮莫德納兩款疫苗會使選。

22總共分做10梯次注疫苗,總共通知611名有身的民眾,紲落來會通知符合資格的人來注,初步估計全新竹市有1千4百外位的民眾會使受惠。    

加入好友