高雄市防疫展新意 長輩注射兼看新編歌仔戲

公視 (2021-06-21 00:00)
分享| 分享至新浪微博 分享至facebook 分享至PLURK 分享至twitter

高雄市政府安排老大人注武漢肺炎的預防射,除了現場有音樂演奏,這馬閣有歌仔戲通看。笑詼的劇情結合防疫觀念,有的老大人注射了後閣留落來看戲。

老大人來學校注新冠肺炎的預防射,台頂煞有戲團咧演出,高雄鼓山高中注射站的現場,安排這齣笑詼歌仔戲,專門欲予來注射的阿公阿媽看。
台頂表演的是明華園天字戲劇團的演員,劇情佮對話真輕鬆佮笑詼,而且嘛結合這馬防疫佮注射的觀念,老大人看了笑咍咍。其實in才開一瞑的時間編寫劇本,攏無排練就上台,而且每一个演員攏掛喙罨演戲,嘛愛注意保持距離。

其實這幾工佇注射站,市府安排真濟表演,用音樂來陪伴序大,雖然這站仔有老大人佮家屬對注射有疑慮,這擺請在地歌仔戲團來搬歌仔戲,是希望老大人安心來注射兼看戲,注煞看煞心情輕鬆倒轉去。

加入好友